’n Video van die voorval word wyd op sosiale media versprei. Uit respek vir die familie, wat erg getraumatiseer is, het www.mobserver.co.za besluit om nie die video nou te gebruik nie.

’n Klankgreep, wat van die video afgehaal is, beskryf die angswekkende oomblik toe die twee-jarige seun uit die motor gegryp is.

Daarop kan gehoor word hoe die ma haar kinders waarsku oor die skelm wat verby hulle motor loop. Oomblike later is daar ’n harde slag en iemand wat gil voordat daar gehoor kan word hoe die ma skree “Los my kind!”

Die video wys hoe die kleuter se boetie die man agterna sit.

In ’n stem-pos wat saam met die video gesirkuleer word verduidelik die ouma dat die ma onder die indruk was dat haar voertuig se deure outomaties sou sluit.

Lees in hierdie Vrydag se uitgawe van die Middelburg Observer hoe ooggetuies vertel van die nagmerrie voorval.