Die bekroonde foto deur Middelburg Observer redakteur, Tobie van den Bergh, is in die vroeë negentigerjare geneem in die midde van politieke onrus, toe die ANC hulle eerste vergadering gehou het in die stadsaal, wat reg oorkant die Witkerk was. ‘n Groep regsgesinde inwoners het die sprekers met geweld uit die stadsaal gegooi.

‘n Verbruikersboikot, wat die dorp lamgelê het en onluste het gevolg.

Militêre troepe moes oor die dorp waak, en die foto wys ‘n soldaat met sy R1 geweer in die hand, wat oor die Witkerk uitkyk.

‘n Week later het die president van die Reserwebank, Tito Mboweni, die eerste ANC spreker geword wat in die stadsaal opgetree het.

Ds. Anton Kemp en dr Kobus Terblanché het die skenking ontvang, en die foto sal deel raak van die Witkerk se historiese samestelling.

•’n Vorige redakteur van die Middelburg Observer, Jack Frewin, het ‘n ikoniese foto van die Witkerk geneem, wat later in die Suid-Afrikaanse Ambassade in Londen gepryk het.