Mnr. Johan Windell se Suzuki GSXR was gisternag uit sy motorhuis in Aerorand gesteel.

Johan vertel dat die diewe deur een van die klein venstertjies in sy motorhuis geklim het nadat die diefwering afgebreek oopgebreek is.
Sy elektriese heining is ook geknip, en die deur na sy motorhuis was oopgebreek.

Johan sê dat sy vrou ’n baie ligte slaper is, maar niks gehoor het nie.

“Die motorhuis is naby ons badkamer, en my vrou het vroeër die aand vir my kom sê sy kon sweer sy het ’n man by die badkamer venster gesien.”

Lees ook: Reaksie offisiere kry gesteelde motorfiets in bosse

“My vrou slaap baie lig en sal my deur die aand gereeld wakker maak as sy iets hoor, dan gaan kyk ek.”

Die motorfiets se waarde is R80 000.

’n Saak is aangemeld by die polisie. Johan sê hy weet die boewe bêre soms die gesteelde motorfietse in bosse voordat hulle dit gaan haal.

Inwoners met inligting oor die motorfiets kan hom skakel by 063 654 7873.

• Daar was verlede Donderdag nog ’n voorval waar ’n BMW gesteel is in die Gholfsig area. Danksy MidAlarms kon die motorfiets opgespoor word. Die motorfiets was in bosse versteek, waar hy reeds van parte gestroop was.