Wedloop organiseerder, Hein Koch, het vanoggend bevestig dat die wedloop nie afgestel is nie, nadat die Twee Oseane wedloop in die Kaap gesneuwel het, weens die koronavirus.

Koch sê hy gaan nog met die hoofborg, Forever Resorts, se Kobus Tait, samesprekings voer, maar omdat die wedloop na die skoolvakansie plaasvind en na die maand beperking wat die staatspresident Sondagaand aangekondig het, gaan hulle intussen voort met die reëlings.

Daar het 4 327 drawwers vir die vyftig kilometer Loskop ingeskryf en 1 711 vir die halfmarathon.

Die Loskop is naas die jaarlikse treinwedloop die grootste gebeurtenis jaarliks op Middelburg se kalender.

Ondernemings wat waterpunte beman, het reeds verlede week hulle finale vergadering gehou met wedlooporganiseerders en duisende rande spandeer om reg te wees vir wedloopdag