En nou is daar ’n deur-ry toetsstasie, waar jy jouself kan laat toets vir die koronavirus.

Dr Redge van Rensburg sê die toetsstasie is in Joubertstraat, waar die ou ingang na Life Midmed Hospitaal was.

Twee laboratoriums, Lancet en Ampath is beide in die omgewing, en die aangewysde laaisone gaan die nuwe deur-ry wees.

Mense wat gebruik wil maak van die toetsstasie, sal eers ’n verwysingsnommer vanaf ’n dokter moet hê voor hulle deur die toetsstasie bedien kan word.

Daar sal dan iemand na jou kar toe gestuur word, waar hulle toetse doen, en die persoon sal hulle uitslae telefonies ontvang van hulle dokter af.

Dr van Rensburg het verduidelik dat die deur-ry toetsstasie sal help om verspreiding van die virus te voorkom, deur kontak tussen mense te verminder.