Daar is ook Belfast én Belfast!

’n Groep van ses mense wat by die Middelburg Hospitaal getoets is, het gesorg vir ’n groot gegiggel te midde al die erns rondom die Covid-19 pandemie.

Die groep is geïdentifiseer om getoets te word, omdat hul onlangse reisgeskiedenis ’n besoek aan Parys ingesluit het. Daar is eers later uitgevind dat hulle bedoel Parys in die Vrystaat en nie die dorp se spoggerige naamgenoot ‘Paris’ in Frankryk nie.

Daar is natuurlik ook Belfast in Ierland en Belfast op die Mpumalanga Hoëveld.

•’n Troppie boerbokke het op die eerste dag van die grendelstaat in die strate van Belfast (Mpumalanga) afgedraf. Inwoners het met ’n glimlag in die baard gebrom:

Kyk nou net, tipies halstarrige boerbok, hou nie die een meter afstand tussen hulle nie!