Een van die inwoners in die omgewing sê dat hulle eers twee en ’n paar dae later ses krokodille in hul plaasdam opgemerk het. Van die omgewing se inwoners het gebieg dat hulle al van die reptiele doodgemaak het. Ander inwoners is opgewonde oor die moontlikheid dat nie al die ontsnapte krokodille opgespoor gaan word nie en hulle dalk in die Steelpoortrivier of De Hoopdam kan vestig.

’n Reptielkenner het gesê dat die Steelpoortrivier bokant die dam se water tans te koud is vir krokodille maar dat hulle sal beweeg na ’n meer gunstige habitat, soos die De Hoopdam, waar hul kanse op oorlewing beter is.

Die eienaar van die krokodille saam met provinsiale regerings amptenare probeer al vir ’n paar dae om al die ontsnapte reptiele op te spoor.