Sedert die grendelstaat sy slotte afgehaal het, is dit weer wilde weste op die dorp.

Twee ernstigte ongelukke tussen vragmotors het die laaste twee aande plaasgevind, minstens vier mense het al hulle lewens verloor in motorongelukke, gesinsgeweld neem drasties toe en daar was al ’n moord.

Dit is nie al nie, die prostitute “werk weer” en die mans laai hulle op.

Een jong kliënt het hom misgis met die polisie én met sy vroulike metgesel. Tydens ’n jaagtog om weg te kom van die polisie af, het hy deur ’n palissadeheining in Proteastraat gejaag. Die nag het nog slegter geëindig, toe die prostituut sy selfoon gegryp en daarmee gevlug het.

Kaptein Khanysile Zwane het by navraag gesê dat net ’n klag van opsetlike saakbeskadiging na aanleiding van die voorval ondersoek word.