Dit nadat www.mobserver.co.za ’n anonieme oproep ontvang het van iemand wat beweer het dat ’n werknemer by Buco Maandag positief getoets het maar hulle eers Woensdag daarvan ingelig is.

Takbestuurder Hennie Lottering sê dat dit absolute snert is. ’n Werknemer is wel tans in selfisolasie nadat haar skoonma gister (Woensdag 1 Julie) positief getoets het vir Covid-19. Die werknemer sal eers weer kan terugkeer werk toe as haar Covid-19 toetsuitslae negatief is.

Die werknemer se isolasie is bloot die volg van veiligheids- en voorkomingsmaatreëls om die verspreiding van die siekte te bekamp, sê mnr. Lottering.

“As daar ooit ’n positiewe geval is sal ek dit dadelik openbaar maak,” beloof hy. Hy sê ook dat hulle reeds ’n ooreenkoms met ’n sanitasiemaatskappy het om op bystand te wees om dadelik die besigheid te ontsmet indien daar ’n Covid-19 geval is.