Run & Walk For Life bied in samewerking met Laerskool Staatspresident C.R. Swart ’n virtuele pretwedloop aan vanaf 8-10 Augustus.
Al wat jy moet doen, is om tussen 8-10 Augustus een van die drie afstande, 3km, 5km of 8km, te draf.

Inskrywings beloop R20 (3km), R30 (5km) en R40 (8km). Deelnemers kan ook al drie afstande (R70) gedurende daardie naweek hardloop.

Laai jou tyd en afstand af deur ‘n skermgreep te maak van die Toep (App) wat jy gebruik het. Jy kan Toeps soos Strava, Runkeeper of Garmin gebruik.
Tye en afstande moet voor 11 Augustus, voor 12:00, opgelaai word om ’n medalje te kry.

Alle deelnemers sal ’n virtuele sertifikaat ontvang.

Persone wat nie ‘n Toep (App) het wat hul afstande en tye bepaal nie, kan met ’n voertuig die afstand gaan afmeet en dan met sy stophorlosie sy tyd vir die spesifieke afstand wat hy stap/draf aan die organiseerders deurgee.

Daar word staatgemaak op die integriteit van al die deelnemers om die regte tye en afstande te verskaf.

Die pret rondom die wedlope, is dat atlete enige strokieskarakter of superheld kan voorstel as hulle hardloop of stap. Neem net ’n foto voor jy wegspring en WhatsApp dit na 082 754 7274.

Die foto’s sal later op Facebook geplaas word, waar die wenner bepaal sal word deur die hoeveelheid “Likes”.

Inskrywings vir die wedloop word aanlyn gedoen by www.virtrace.com.

• Vir enige navrae, bel Tinus Jansen by 072 384 9443.