Dr. Cecil Keys is verlede week in die Kosmos Hospitaal opgeneem nadat hy by ‘n uroloog was en daar vasgestel is dat hy ‘n ernstige buikinfeksie en derm perforasie het.

Volgens inligting het hy verbetering getoon maar gister skielik begin verswak. Daar is gisteraand laat besluit om hom op’n ventilator te sit en dr. Keys is net na 02:00 vanoggend oorlede.

Dr. Keys het op 24 Julie positief getoets vir Covid-19. Hy en sy vrou, dr. Elmarie Meyer, was daarna vir tien dae in isolasie.

Daar sal in die volgende gedrukte uitgawe van die Middelburg Observer ‘n huldeblyk aan dr. Keys wees.