“Hy is nie eers lyfseer nie. Ek glo dit is omdat hy so fiks is,” het sy pa, Henk, vanoggend gesê.

Jannik is verlede Dinsdag in Sondagsrivierstraat raakgery, terwyl hy gedraf het.

Die voertuig, ’n Amarok, het ’n ander voertuig verbygesteek en Jannik langs die pad raakgery.

Hy is uit sy skoene gery, het van sy tande verloor tydens die ongeluk, skedelbreuk opgedoen, sy linkerduim gebreek en het ’n linkervoetbesering.

Woensdagoggend is ’n operasie gedoen om die effense bloeding op sy brein te dreineer.
Jannnik is Vrydag uit die Life Midmed Hospitaal ontslaan.

Mnr. Wessels sê dat Jannik sy duim op twee plekke gebreek het en dat hulle later vandag gaan kyk wat hulle kan doen om te voorkom dat hy penne in die duim kry.

“As hy penne in die vinger kry, sal hy nie weer kan boks nie.”

• Jannik wou vandag al skooltoe gegaan het, maar die neurochirurg wat sy operasie gedoen het, het gesê dat hy nog vir vier weke tuis moet bly vir die kopwond om te herstel.

• Hy is ’n graad 11 leerling aan HTS Middelburg.