’n Trokdrywer is beseer in ’n ongeluk tussen drie trokke op die Vandyksdrifpad.

Die ongeluk het vandag omstreeks 13:00 vandag plaasgevind, sowat vier kilometer anderkant die N4-brug, net verby die weegbrug by die Muhanga Myn.

Na wat verneem word, was een trok besig om te draai en het die ander twee trokke in hom vasgery. Die een trokdrywer het ’n kopbesering opgedoen.

Alhoewel die pad nie gesluit is nie, is hulle nog besig met opruimingswerk en word motoriste gemaan om versigtig te ry.