Mnr. Mikawanda (31) het op 12 September in die Middelburgdam verdrink. Hy was saam met mnr. Perrin O’Neill en ’n vriend by die dam om ’n boot te toets wat mnr. O’Neill reggemaak het. By die diep baaigedeelte het hulle afgespring om te swem en het mnr. Mikwanda verdrink. Die polisieduikers en watervleuel het vir dae met die hulp van die honde-eenheid aangehou soek, maar van die naweek af is daar begin met patrollies op en langs die dam om te kyk of mnr. Mikwanda se lyk nie self gaan opkom nie. Mnr. Vincent Avenant (bystand opsigter) het tot op hede nog elke dag te voet ook om die dam gestap om te help met die soektog. Hy het vroeg vanoggend al om die dam begin stap, maar tot op hede nog niks gevind nie.