Me. Lisa Bester het die slang oor haar gras sien seil en hom dadelik gevang. Sy vermoed hy was agter haar hoenders aan. Die slang word heel moontlik êrens aangehou en het dalk ontsnap. Me. Bester het gevra dat die eienaar haar moet bel by 074 940 6536.

Lees ook: Slang saam vrou in die bed

• Mnr. Jean Houy (Middelburg Herpetologiese Vereniging) sê dit is ’n uitheemse rotslang (Rat snake) wat ’n gewilde troeteldier is.

“Ek het twee en hulle byt baie seer. Hulle is baie kwaai. Hy is beslis deur iemand aangehou. Hierdie slange eet baie moeilik as jy nie weet wat jy doen nie.”

Lees ook: Slange sak toe op Middelburg

Hy het aangedui dat hulle die slang tydens die Herpetologiese Vereniging se vergadering more-aand sal kan skandeer om te kyk of hy ’n mikroskyfie inhet en so moontlik sy eienaar kan opspoor.