Die botsing het sowat 10km buite Hendrina op die Middelburgpad plaasgevind.

Die vier insittendes in die kar het waarskynlik nie sitplekgordels gedra nie en is uit die voertuig geslinger, waar hulle op die toneel dood is. Een van die oorledenes, wat moontlik die bestuurder van die voertuig was, het in die pad gelê en die ander drie sowat 20 treë verder in ’n sloot.

Twee vroue, wat passasiers was in die taxi, se toestand was kritiek op die toneel en is afgevoer hospitaal toe. Die bestuurder van die taxi het ligte beserings opgedoen.

Die pad was gesluit tot omstreeks middernag en die verkeer, wat meestal uit trokke bestaan het, het vir sowat 10km weerskante toe opgedam.

• Met die joernalis se aankoms by die toneel omstreeks 09:30, moes sy by sowat 60 trokke verbygaan om by die toneel uit te kom.
Sy was geskok met die hoeveelheid trokke daardie tyd van die nag op die pad.

•Die oorledenes se name is nog nie bekend nie.

https://vimeo.com/466473299