Waar is jou ondersoekbeamptes minister Cele?

So kan moordslagoffers tereg aan minister Bheki Cele vra.

Die moord van Raymond Papapavlou (28) verlede week en Sondagnag is nie die eerste in die Rooikraal omgewing nie.

Lees ook: Beloning vir inligting na Rooikraal moord

Skokkend! Die vorige moordverdagte het vier jaar gelede by die hospitaal uitgestap, sonder dat ’n hand op hom gelê is.

Mnr. Henning Joubert is op 1 April 2016 in die Rooikraaldam omgewing op sy skoonouers se plaas voor sy vrou, Marlene, met ’n mes doodgesteek.
Hy kon daarin slaag om die aanvaller met haar dienspistool te skiet, tydens die struweling.

Mev. Joubert, wat destyds vir die polisie se Handelstak gewerk het, het na doeke gegryp om die bloeding te stop, toe mnr. Joubert vooroor val en sy bewussyn verloor het.

Twee verdagtes is in verband met die moord in hegtenis geneem. Een is na ondervraging weer laat gaan, terwyl die ander een, wat op die toneel deur die polisie met ‘n skietwond gearresteer is, in die Groblersdal Hospitaal opgeneem.

Die verdagte het verdwyn en die hof was genoop om die saak weens nalatigheid van die polisie af, van die rol te skrap.

Lees ook: Voorheen skote en moord op Rooikraal

Groblersdal Polisie sê die man is in Groblersdal Hospitaal onder polisiebewaking opgeneem, maar is oorgeplaas na Mankweng om ‘n spesialis te sien, omdat hy moontlik ‘n operasie sou ondergaan. Hy het eenvoudig by die hospitaal uitgestap en is nooit weer gesien nie.

•Hierdie is en van vele voorvalle waar sake nooit die hof haal of die hof haal, maar teruggetrek word weens patetiese polisiewerk.

•’n Man word in 2018 op Middelburg doodgeskiet – ’n verdagte word uitgewys – twee jaar later geen geregtigheid – geen vordering in die saak.