‘n Motorfietsryer het ernstige hoof en ander beserings opgedoen tydens ‘n botsing met ‘n bakkie op die berugte kruising van Kiepersol en Seringstraat.

Die botsing het kort voor 17:00 plaasgevind. Noodpersoneel het gou gewerk om die man op ‘n draagbaar en in die ambulans te kry.

Die motorfietsryer het die bakkie op die sy getref in die kruising waar daar al talle ander ernstige botsings was.

Mense, die meerderheid inwoners van die area, het op die toneel saamgedrom.

Talle het gekla dat die stopstraat op die berugte hoek daagliks deur motoriste verontagsaam word.

Dit is net ‘n eenrigtingstop met ryvoorgang vir Kiepersolstraat gebruikers.