Man met stok en sak het dalk honde vergiftig
’n Gesin vermoed hul hond is vergiftig deur ’n man wat ’n stok en ’n sak by hom gedra en teen ’n muur af geloop het.
Mnr. Peter Flood sê hul Jack Russell hondjie, Ruger, moes Saterdagoggend die gif ingekry het. Gelukkig het die hond dadelik begin braak en kon die veearts sy lewe red.
Hulle het die CCTV videomateriaal nagegaan en gesien dat ’n man kort voor sonop teen die muur, aan die agterkant van Roggeveld deur die oop veld in Keiskamma (Aerorand) afgestap het.
Op die videomateriaal kan jy sien dat hy ’n sak en stok dra.
Mnr. Flood vermoed dat die man die gif met die stok oor die muur geslinger het, want die hond het gelê presies teen die muur aan die binnekant vanwaar die man verby geloop het. Hulle het later in die veld ’n bottel met blou vloeistof, wat gewoonlik deur hengelaars gebruik word, gevind.
Mnr. Flood is van mening dat dit moontlik gebruik kon word om die gifsmaak en -reuk te vermom.
VIDEO: https://fb.watch/1vNP-Bj1zX/
