Die ongeluk tussen die afleweringsmotorfiets en ’n motor het gebeur waar Wicht- en Suidstraat kruis.
Die stopteken wat vir die motorfietsryer moes wys om stil te hou, was nie meer op sy plek nie.

Nadat die motor teen die motorfiets gebots het, het dit teen ’n boom vasgery. Die bestuurder is na ’n hospitaal afgevoer.

Die oorledene se naam is nog nie bekend gemaak nie.

Met talle werkloses wat hulle inkomste nou verdien deur afval te herwin, word niks op die dorp ontsien nie. Al hoe meer jong dwelmverslaafdes neem ook deel aan die strooptog waar leë huise besteel word, padtekens word verwyder, munisipale elektriese kabels gesteel, enigiets wat verkoop kan word.