Smith het is twee weke gelede in Johannseburg gearresteer op aanklagte van sameswering tot moord en moord, nadat die staat haar as verdagte in die moord van Raymond Papapavlou geïdentifiseer het.

Papapavlou is op 4 Oktober in sy bed op ’n plaas in die Rooikraalomgewing doodgeskiet.

Lees ook: Polisieman getuig daar word gesoek na Simoné Papapavlou

Sy vrou, Simoné, word op die klagstaat genoem as medepligtige. Sy is egter nog op vrye voet nadat die ondersoekbeampte vandag aan die hof gesê het dat hulle nie weet waar sy haar tans bevind nie.

Smith word volgens die staat deur selfoonrekords met die moord verbind. Die verdediging voer aan dat sy onskuldig by die saak betrek word en dat ander faktore, soos ’n getuie wat haar kwaadgesind is en haar foon wat gesteel is, genoem as redes hoekom die staat nie ’n sterk saak teen haar het nie.

Die hof het beslis dat Smith borg geweier word weens die erns van die sake teen haar. Sy sal weer op 2 Desember in die hof verskyn.