‘Oog’ in die lug teen misdaad is terug!
Ons dorp en sy plase se oog in die lug is terug met die terugkeer van die vastevlerk Bantam mikroligte vliegtuig!
Dié vliegtuig is ’n paar jaar gelede deur die Gemeenskapspolisiëringsforum (GPF) aangekoop en aan die polisie geskenk om te gebruik vir misdaadvoorkoming. Die polisie moes net self die vliegtuig in stand hou.
Me. Ena Pilodia (voorsitter, GPF) sê hulle het op ’n stadium agtergekom die vastevlerk mikroligte vliegtuig word nie meer gebruik nie en sy het geveg daarvoor om dit terug te bring vir misdaadvoorkoming.
“Ek het op ’n stadium tot verteenwoordigers van die nasionale lugvaart hier gehad oor die kwessie.”
En nou is hy terug en sal die GPF self die vliegtuig gebruik vir misdaadvoorkoming, veral oor plase.
“Daar was destyds goeie resultate met hierdie oog in die lug,” sê me. Pilodia.
Plaaslike vlieëniers sal gebruik word. Besigheidslui of persone wat bydraes wil lewer vir die versekering, brandstof, dienste en hernuwing van die lisensie, kan me. Pilodia bel by 082 415 8029.
