Dit is ’n skande dat mens jare lank op een planeet, en in een omgewing kan woon, en die wonders van die natuur miskyk.

Geniet ons videomateriaal, van hoe sade van die tambotieboom spring in die hitte van die oggendson in die Loskopdam omgewing.

•Die sade kry lewe soos springmieliepitte, wat wakker raak in ’n warm pan.

Dis as gevolg van die grysmotjielarwa wat binne die saad gehuisves word. As die saad warm raak in die son, is dit die skielike en sporadiese sametrekkings van die larwa se liggaam, wat die sade laat spring.

•Inwoners moet ook nie die geleentheid misloop, om die skouspelagtige planetêre vertoning op 21 Desember waar te neem nie.

Jupiter en Saternus sal in daai tydperk met mekaar belyn.

Volgens plaaslike sterrekenner, Ernst Marais, is die twee planete werklik ver van mekaar af, maar vir die blote oog lyk hulle na een.

Dis ’n gulde geleentheid vir fotograwe om die twee planete in een skoot te kan afneem met die gebruik van ’n zoomlens.

Hierdie skouspel is die eerste van sy soort in oor 400 jaar, en kan op die westelike horison gesien word.