Ooggetuies sê dat die voorval Saterdagmiddag gebeur het op die hoek van Limpopo- en Maricostraat, dieselfde plek waar die munisipaliteit vroeër aan ’n gebarsde pyp gewerk het.

Daar was egter geen waarskuwingslinte om aankomende verkeer te waarsku dat daar ’n gat in die pad is nie.

’n Blue Ribbon broodtrok se linkervoorwiel het in die gat vasgeval. Die trok is later deur ’n insleepvoertuig uit die gat getrek.

Inwoners sê dat daar na die voorval skielik waarskuwingslinte om die gat gespan is.

• Die Steve Tshwete Munisipaliteit het nie voor druktyd op media navrae geantwoord nie.