Kokkie Smit het vertel van ’n vrou wat polisie toe gegaan het om aan te meld hoe sy mishandel word, “maar hulle het net vir haar gelag. Toe sy self polisiestasie toe ry om hulp te vra, het hulle gesê hulle het nie ’n voertuig beskikbaar om uit te gaan nie!”

Hy weet ook van ’n geval waar ’n speurder nie opgetree het in ’n beskermingsbevel nie en die saak teen die beskuldigde net doodgeloop het. Weereens het die mishandeling voortgegaan.

In sy reeks wat hy grond op 2 Samuel 13 waar Tamar verkrag word deur haar broer, is dit duidelik dat Tamar deur almal in die steek gelaat word. Selfs haar pa, Dawid, die koning, wat die mag het om alles te verander, maar hy doen dit nie.

Dit is presies wat sommige polisielede doen. Hulle het die mag om vroue in hul nood te help, maar hulle doen dit nie.