Die munisipaliteit het besluit om die Middelburgdam te sluit vir die publiek.

Dagbesoekers is sedert vanmore op strepe by die dam weg gewys, waar net 100 besoekers tot nou toe toegelaat is, insluitende betaalde kampeerders.

Kampeerders het egter ook nou kennisgewing gekry dat hulle teen 10:00 more, 31 Desember, die dam moet verlaat.

Die sluiting is volgens die munisipaliteit ‘n voorkomingsmaatreël om die verdere verspreiding van Covid-19 in Middelburg hok te slaan.

Life Midmed het vandag bevestig dat die hospitaal steier onder druk weens stygende Covid-19 infeksies.

Die munisipaliteit eggo die hospitaal se sentimente met die versoek dat Middelburgers tuis bly, en streng by inperkingsregulasies hou.

Die swembad by Kees Taljaard Stadion is ook toe.