Monica en haar eggenoot, Hannes, was veral bekend onder gholfspelers, as die eienaars van die Middelburg Proshop, vanwaar hulle sporttoerusting verkoop het, asook die gholfkarretjies en dryfbaan uitverhuur het.

Die egpaar het die besigheid vir meer as 17 jaar bedryf en was landwyd onder gholfspelers bekend.

Monica het Sondag op die ouderdom van 66, twee dae na haar verjaardag, gesterf, nadat sy gesukkel het om asem te haal.
Hannes het met sy sielsmaat na Life Midmed gejaag, maar sy is oorlede met haar aankoms by die hospitaal.

Sy word oorleef deur haar man Hannes, dogter Thereza en haar man, en drie kleinkinders.

Begrafnisreëlings is nog nie gefinaliseer nie.

•Volgens klubbestuurder, Gerrit Smith, is die Middelburg Buiteklub vir die dag gesluit terwyl die klubhuis volgens voorsorgmaatreëls teen die virus ontsmet word. Die buiteklub sal vanaf more (Dinsdag) weer oop wees.