Die saak is uitgestel tot 10 Maart vir die vervolgingsgesag se besluit.

Smith is op 27 November op borg van R5 000 vrygelaat.

Sy word beskuldig dat sy ’n aandeel gehad het in die moord van Raymond Papapavlou op Sondag 4 Oktober.

Papapavlou is in sy bed doodgeskiet. Sy vrou, Simone, het beweer dat daar iemand anders in die huis was ten tye van die moord en dat sy waarskuwingskote afgevuur het, nadat sy voor die televisie wakker geskrik het van die skote.

Simone se naam word op die klagstaat genoem, waar die staat beweer dat sy en Smith saam aan Papapavlou se moord beplan het.

Sy is egter nie formeel aangekla vir die moord nie.