’n Ontploffing wat gehoor en gevoel is tot in Dennesig en Kanonkop, se oorsprong was vanaf Samancor, Middelburg Ferrochrome.

’n Paar mense wat by die Middelburg Mall was, sê die hele gebou het geskud weens die ontploffing en hulle, asook inwoners van Aerorand, Vaalbank, Groenkol en Mineralia het kort daarna gas geruik.

Riemtelegramme het die rondte gedoen dat ’n kitsbank opgeblaas het.

Ander het gesê dat die dinamietlading by ’n nabye myn te hoog was.

Daar is intussen verneem dat ’n pot wat “slag” getap het by Samancor Middelbug Ferrochrome, wat in aanraking gekom het met water, ontplof het.

Voertuie is beskadig en daar is ook skade aan geboue. Niemand is in die ontploffing beseer nie.