Sleepwa dalk ook deur sindikaat gesteel?
’n Egpaar wonder of hul sleepwa nie ook gesteel is deur die Mosambiekers wat laas naweek op eMalahleni gearresteer is nie.
Me. Ina Pienaar het op www.mobserver.co.za gesien dat daar Mosambiekers gearresteer is en dat daar ’n boskaravaan en sleepwa teruggevind is.
Die sleepwa wat teruggevind is, behoort egter aan mnr. Wiley Harrington (jnr). Sy sleepwa is so twee weke gelede by sy huis in Dennesig (Middelburg) gesteel.
Me. Pienaar vertel dat hul oopbak-sleepwa op 22 Januarie gesteel is in Proteastraat (Kanonkop).
Hulle het die sleepwa vir hul werknemer, Wouter de Wet, geleen om ’n familielid te help trek.
Lees ook: Kolonel help kolonel om gesteelde karavaan terug te kry
Die sleepwa het onder ’n afdak by sy huis gestaan en toe hulle die volgende oggend wou verder trek, was die sleepwa skoonveld. Die boewe het toegang tot die eiendom verkry deur die hekmotor oop te forseer en die hek oop te skuif.
Volgens me. Pienaar het hulle die polisie gebel, maar dat hulle tot vandag toe nog nie opgedaag het om ’n verklaring te neem nie. Haar klagte is aan kapt. Khanyisile Zwane (polisiewoordvoerder) oorgedra.
Me. Pienaar glo egter dat dit dieselfde groep is, wat sleepwaens en wiele die afgelope tyd op Middelburg gesteel het, wat, ook hul sleepwa gesteel het.
Me. Pienaar vra dat indien enige persoon die sleepwa iewers opmerk, om haar te bel by 082 564 2064.
• Die plek waar die sleepwa in Proteastraat gesteel is, is naby Asaliastraat waar daar in daardie selfde tyd talle diefstalle in Asalia- en Impalastraat plaasgevind het.
* Notice: Coronavirus reporting at Caxton Local Media aims to combat fake news
Dear reader,
As your local news provider, we have the duty of keeping you factually informed on Covid-19 developments.
As you may have noticed, mis- and disinformation (also known as “fake news”) is circulating online.
Caxton Local Media is determined to filter through the masses of information doing the rounds and to separate truth from untruth in order to keep you adequately informed. Local newsrooms follow a strict pre-publication fact-checking protocol.
A national task team has been established to assist in bringing you credible news reports on Covid-19. Readers with any comments or queries may contact National Group Editor Irma Green (irma@caxton.co.za) or Legal Adviser Helene Eloff (helene@caxton.co.za).
Do you have a news lead?
Contact our editorial office on 013 243 1434 or our standby number for emergencies on 072 248 3855 to share your story with us.
Follow us on the Middelburg Observer Facebook group or page or send a WhatsApp to 072 248 3855 with the words “add me” for the latest news.
