Afriforum Buurtwag het bevestig dat werkers wat op die ou Belfastpad besig is met padwerke minute gelede ’n groen VW Golf, wat die beskrywing van die voertuig waarin ’n blondekop vrou omstreeks 11:00 op die N4 ontvoer is, gesien het.

Die voertuig is volgens die werkers teen ’n baie hoë spoed verby hulle in die rigting van Belfast. Die vrou is omstreeks 11:00 naby die oprit na die Alzu russtop op die N4 aangerand en ontvoer.

Sy is volgens ’n ooggetuie brutaal geslaan en aan die hare rondgepluk voordat sy in ’n “blougroen Hyundai of VW Golf” ingeboender en ontvoer is.

Minstens vier mans was betrokke en ’n wit bakkie is ook op die toneel gesien. Afriforum buurtwag het hul Belfast en Carolina spanne ontplooi om te help met die soektog na die vrou.