Geen teken van vermiste blondine, soektog skaal af
Veiligheidsgroepe het vanmore almal deur die bank gesê dat daar nog geen spoor van die vermiste blondine, wat naby Alzu russtop op die N4 ontvoer is, gekry is nie.
’n Massiewe soektog die afgelope twee dae, wat tot in Nelspruit uitgekring het, gaan voorlopig gestaak word tot nuwe inligting ontvang word.
Die Nelspruitse gemeenskapsveiligheids organisasie Bossie’s Justice se Albert Gryvenstein sê dat hulle ondersoek ook niks opgelewer het nie.
Beide Afriforum se buurtwaggroepe van Middelburg, Belfast en Carolina, asook die Sektor 3 radiogroep, het bevestig dat hulle gekoordineerde patrollies, wat tientalle plaaspaaie ingesluit het, tot dusver onsuksesvol was.
Die ooggetuie, mnr. Rudi Combrink, wat gesien het hoe die vrou eers wreed aangerand is voor haar ontvoering, sê hy staan by wat hy gesien het.
“Daai vrou is beslis nie uit vrye wil saam met die mans daar weg nie,” sê mnr. Combrink.
Lees ook: VIDEO: Ooggetuie van aanranding en ontvoering op N4 praat
Alzu se CCTV kameras het nie die voorval vasgevang nie, maar daar kan wel op beeldmateriaal gesien word dat daar “iets ongewoon gebeur het” sê mnr. Combrink.
Hy betreur die feit dat die vrou nog nie gevind is nie. Hy wil egter nie dink aan wat met haar kon gebeur het nie.
“Ek wil nie my kop in daai rigting stuur nie, wat ek gesien het, het my reeds getraumatiseer,” sê hy.
Beide die Belfast en Middelburg polisie het bevestig dat daar nog geen vermiste persone wat die vrou se beskrywing pas, aangemeld is nie. Mnr. Combrink sê die vrou het lang blonde hare met ’n normale bou.
Lees ook: Soektog na ontvoerde vrou kring uit na Hendrina, Belfast, Dullstroom
Vrou naby Alzu russtop op N4 aangerand, ontvoer
Groen Golf jaag teen hoë spoed op ou Belfastpad sê padwerkers
Notice: Coronavirus reporting at Caxton Local Media aims to combat fake news Dear reader, As your local news provider, we have the duty of keeping you factually informed on Covid-19 developments. As you may have noticed, mis- and disinformation (also known as “fake news”) is circulating online. Caxton Local Media is determined to filter through the masses of information doing the rounds and to separate truth from untruth in order to keep you adequately informed. Local newsrooms follow a strict pre-publication fact-checking protocol. A national task team has been established to assist in bringing you credible news reports on Covid-19. Readers with any comments or queries may contact National Group Editor Irma Green (irma@caxton.co.za) or Legal Adviser Helene Eloff (helene@caxton.co.za). Do you have a news lead? Contact our editorial office on 013 243 1434 or our standby number for emergencies on 072 248 3855 to share your story with us. Follow us on the Middelburg Observer Facebook group or page or send a WhatsApp to 072 248 3855 with the words “add me” for the latest news.
