Die nuutste op die waterkrisis is dat die hoofpyplyding wat twee barste gehad het, nou ten volle herstel is.

Die reservoirs is egter nog leeg en areas soos Mineralia en die middedorp bgin stadig maar seker water terugkry.

Dennesig, Kanonkop en dele van Mhluzi is egter steeds sonder water. Boorgateienaars het sedert gister hulle water aan inwoners beskikbaar gestel en groot lof is hulle toegegee vir die onbaatsugtige gebaar.

Die probleem is dat areas met water, nie die hoogliggende dele soos Kanonkop en Dennesig kans gee dat watervloei die areas bereik nie.

Die waterpyp van Witbankdam het ook ‘n bars en as dit nou reg gemaak word, sal die hele dorp minstens tot Dinsdag sonder water wees.

Dennesig se DA wyksraadslid Johann Dyason versoek geduld totdat die hele waternetwerk se pype vol is, en water geaffekteerde areas se krane bereik.

Intussen het raadslid Hennie Niemann sy skok uitgespreek oor inwoners wats steeds hul tuine natlei ondanks die krisis.

Hy het versoek dat inwoners nie selfsugtig optree nie, maar eerder die voorbeeld van boorgateienaars volg, om geaffkteerde dele van die dorp tegemoet te kom.