Daar word na meniere gekyk om die bobbejaan veilig uit die woonbuurt te verwyder, sonder om hom vankant te maak.

Die beste opsie, volgens wyksraadslid Hennie Niemann, is om die bobbejaan te probeer pyl waar hy insluimer vir die nag.
Deur die dag is hy baie aktief en op soek na kos, wat dit uiters moeilik maak om sy bewegings te volg.

Vanghokke is ’n opsie maar is nie so effektief nie.

Mense word gevra om die bobbejaan nie paniekerig te maak nie, hoe rustiger hy is, hoe beter die kans om hom te pyl.

Die bobbejaan is verlede Vrydag die eerste maal in Clubville opgemerk vanwaar hy Aerorand toe beweeg het.