‘n Skokvideo het sopas aan die lig gekom waarin daar duidelik gesien kan word hoe Jud’sies eienaars, Kappie en Judy-May Kapp, rustig in hulle winkel tussen rakke beweeg voordat Willie Bester skielik petrolbomme na hulle in die winkel gooi.

Die hele voorkant van die winkel is amper onmiddellik in vlamme gehul terwyl die egpaar na veiligheid hardloop.

In die video kan gehoor word hoe me. Kapp aan vermoedelik ‘n polisielid vertel wat gebeur.

Die egpaar is in hul winkel aangeval met minstens drie petrolbomme.

Daar is ook minstens ses skote deur Bester op hulle afgevuur terwyl hulle na veiligheid vlug.

Bester het hierna sy eie voertuig voor Jud’sies ook aan die brand gesteek en daarna ook sy eie besighed, Horlosie Kliniek, waar sy liggaam later gevind is.