Hanlie Steyn het aan die einde van Oktober die tuig neergelê.
Sy het in 1987 by die firma aangesluit en was oor die jare ’n steunpilaar in die boedelafdeling.

“Haar blymoedige geaardheid, professionaliteit en bereidwilligheid om altyd te help, sal almal bybly,” sê Theo Pistorius van die prokureursfirma.
Volgens Pistorius sal Hanlie altyd die “Ma” van die firma bly.
“Ons en ons kliënte gaan haar baie mis.”

Haar man, Hennie, werk by Van Zyl’s Automotive.
Die egpaar het drie dogters, Daleen, Lorinda en Melanie.

Lorinda en haar gesin het hulle soos vele jong Suid-Afrikaners in Amerika gaan vestig.
“Waar sy en Hennie nou so bietjie van ’n blaaskans vat, wens ons haar net die beste toe vir goeie gesondheid, vrede en vreugde.”