Die polisie is by hom en hy is op pad Delmas polisiestasie toe om ’n verklaring af te lê.

Skrikwekkende videomateriaal van die ontvoering is intussen wyd op sosialemedia versprei.

Op die beeldmateriaal kan gesien word hoe die man met sy ontvoerders stoei om weg te kom.

Lees ook: Geboeide man by vulstasie in kar geboender

Sy hande is agter sy rug geboei en die slagoffer veg so verbete, dat dit twee ontvoerders kos om hom terug in die voertuig te kry.
’n Petroljoggie staan by die kar en toekyk hoe die man in die kar gedwing word.

Na wat verneem word is die man nie ernstig in die voorval beseer nie.

Sy ontvoerders het hom digby Delmas langs die pad afgelaai, en verder Gauteng toe gejaag.