Kevin Ruthven se emosie het vandag oorgeneem toe hy verduidelik dat sy Austaliaanse beeshond steeds weg is.

Daar was vandag weer langs die Olifantsrivier gesoek na Mielie, en Kevin vertel dat hulle 24 km gedek het met Clarice Walton, Ryan Fekete en Niklaus die spoorsnyhond van Clarice K9 Unit.

“Niklaus kon ‘n paar keer Mielie se spoor optel onder die klippe waar dit nie so nat gereën het nie.”

Maar Kevin besef ook dat Mielie se kanse skraal lyk nadat hulle ‘n pofadder en rinkhals op die pad raakgeloop het.

Kevin het gesê dat hy nie verder mense kan betaal om te help soek na Mielie nie maar dat hyself steeds elke dag sal soek na sy hond.