Mnr. Henning Benadie (Deltec Middelburg) kla dat dwelmgebruikers voor werknemers en kliënte spuit, op sypaadjies rondsit en slaap en in die openbaar urineer.
Boonop het een van die verslaafdes verlede week vir mnr. Benadie gesê dat as hy hom sou afneem en sy gesig op sosiale media sit, hy hom sal dagvaar.

• Mnr. Benadie het gekla dat hulle die munisipale polisie sonder sukses gekontak het.

• Die munisipale bestuurder, mnr. Mandla Mnguni, het in ’n skriftelike antwoord op die klagtes gesê dat géén sakeman toestemming kan gee dat verslaafdes op die sypaadjie kan bly of slaap nie.

Lees ook: Dwelm-euwel buite beheer

Volgens munisipale bywette is dit onwettig om op straat te urineer en dat géén dwelmgebruik toegelaat word nie.

Daar is onderneem dat die area dopgehou sal word om seker te maak dat verslaafdes nie meer daar slaap of dwelms gebruik nie.

• Lede van die munisipale polisie het kort na die klagtes gaan soek na die verslaafdes in die area waaroor gekla is, maar hulle was reeds weg.