Lid van Middelburg Fietsry- en Marathonklub, Cobus Fourie (66), het ’n moeilike Sondag oorkom en die enigste Suid-Afrikaner geword wat 40 Ysterman kompetisies voltooi.

Die eerste ysterman uitdagings het bestaan uit roei, fietsry en draf, maar die roeiskof is later na swem verander.

Na ’n goeie lopie in die swem en skitterende fietsry, waar Cobus opgeskuif het tot derde plek in sy ouderdomsgroep, het die veteraan atleet harde bene gekou in die 42.2 kilometer.

Erge krampe en skaafmerke het gemaak dat hy diep moes delf.Hy het die Ysterman in 13:34:27 klaargemaak en ’n geskiedkundige mylpaal bereik.

Cobus het in ’n boodskap aan sy vriende gesê: “Dit is net vermag met baie genade en liefde van Bo. Sonder dit is ek tot niks in staat nie.”