AfriForum se Middelburg-tak het die gras by die konsentrasiekamp kinderbegraafplaas in Kareestraat gesny en die algemene netheid van die terrein verbeter.

Tydens die projek het vrywilligers en lede van AfriForum se Middelburg-tak die gras gesny en rommel opgetel. Daar is ’n bakkievrag vol gras weggery.

Hierdie erfenisterrein het grafte van kinders wat tydens die Anglo-Boereoorlog in konsentrasiekampe gesterf het.

“Die Steve Tshwete Munisipaliteit versuim om hulle pligte na te kom en die terrein skoon te hou en daarom het die tak dit op hulself geneem om te sorg dat hierdie terrein netjies is.

“Ons onderneem om die projek aan te neem as ’n volhoubare projek en sal binnekort ’n opvolg loods om die terrein verder op te knap,” sê Mike Ebersohn, voorsitter van AfriForum se Middelburg-tak.

“Dit is belangrik om hierdie terrein skoon en netjies te hou sodat ons geskiedenis behoue kan bly vir die volgende geslagte.”

Sluit vandag aan by AfriForum se Middelburg-tak, sms “Middelburg” na 45340 (R1) of stuur ’n e-pos aan: voorsitter.middelburg@afriforumtak.co.za.