‘n Inbreker het gisteroggend by ‘n huis in Gholfsig ingebreek en onder andere waspoeier gesteel!

Die Botha gesin het gisteraand met hul tuiskoms van die werk af gesien dat daar by hul waskamer by hul huis in Van Mellestraat, Gholfsig, ingebreek is.

Me. Corné Botha verduidelik dat die waskamer langs die kombuisdeur is en dat hulle eers laat gisteraand agtergekom het dat daar in daardie vertrek ingegaan is.

“As hy by die huis self ingebreek het, sou die alarm afgegaan het.”

Hulle vermis ‘n tweeplaat gasstoof, waspoeier, versagmiddel vir klere en tafellappe.

• Me. Botha het die lede van die Noodroep Radiogroep Sektor 3 en die polisie bedank wat gisteraand blitsig gereageer het toe hulle agtergekom het daar is ingebreek.
• Die inbraak moes gisteroggend tussen 05:00-06:00 plaasgevind het, want een van die inwoners in die straat se buite-kamera het in die verte opgetel toe die man uit die erf oor die muur geklouter het.