Rachel Kies van Sektor 3 sê dat dit na ’n bakkiewiel lyk en by die Middelburg Polisiestasie ingehandig is. Die eienaar kan dit daar gaan kry.

Rachel en haar man Willem was Maandag op pad na ’n ander uitroep toe hulle twee verdagtes sien met die wiel op die hoek van Weeber- en Bonckerstraat.

“Omdat ons op pad na ’n ander toneel was, het ons ander lede ontbied.”

Toe die lede opdaag het ’n man gesê hy het die wiel by ’n huis in Wichtstraat gekry maar sy storie verander en beweer die wiel was in ’n veld weggesteek.

Hy het erken dat hy en sy makker die wiel wou verkoop en was baie vies toe hulle dit afvat.