Mnr. Riaan Kruger (hoof) sê hy weet nie hoe die diewe by die skool ingekom het nie, maar vermoed hulle het oor die palissadeheining geklim.
Met Mid Alarms se aankoms, het hulle bykans ’n asblik vol kabels opgetel, wat die booswigte laat val het om weg te kom.

Mnr. Kruger sê alhoewel die diewe nie fisies ingebreek het nie, het hulle die kabels en kameras op die eerste vloer gesteel. Hulle het ook die verlengkabels, om hul Wifi-opvangs te versterk, afgehaal.

“Alhoewel ons die meeste kabels teruggekry het, kan ons niks daarmee doen nie, omdat die omhulsels om die kabels afgehaal is. Ons sal alles moet herbedraad.”

Dit is nie net die kostes om alles te vervang wat ’n probleem is nie, maar ook die ongerief wat die personeel en leerlinge verduur.

“Hulle is besig om alles te vervang, maar in hierdie tyd wat dit gedoen word, het ons géén internet nie!”

Mnr. Kruger het gemeld dat hulle nou permanente wagte aangestel het.

• Daar is gedurende die vakansie by die Kleuterskool Kabouterland (kleuterskool op die skoolperseel) ingebreek en onder andere ’n televisiestel gesteel.