Die vrou wat Vrydagmore tussen 03:00 en 04:00 by die Gebedsoond oorlede is nadat die voertuig waarin sy was, gerol het, is deur haar dogter geïdentifiseer as me. Emmerensia Bekker.

Sy was ‘n ma en ouma.

Me. Bekker is dood, en twee ander insittendes ernstig beseer, nadat die voertuig op die skerp draai by die Middelburg Hospitaal gerol het.

Die voertuig het tot by die Gebedsoond, waar inwoners gereeld vir die dorp bid, gerol.

Die bestuurder staar ‘n klag van strafbare manslag in die gesig.

Inwoners wat op die toneel hulp verleen het, sê “dit was nie mooi nie.”

Me. Bekker is op die toneel dood, terwyl die ander twee beseerdes lelike beenbreuke opgedoen het.

Me. Bekker se dogter en kleindogter, Hilda en Anieka Nortier, het Saterdag ‘n kruis ter nagedagtenis aan hul ma en ouma op die plek waar sy oorlede is, gaan opsit.

Kry jou uitgawe van volgende week se Middelburg Observer vir die onderhoud met die naasbestaandes.