As jy rooi is en beweeg is jy in HTS Middelburg se optog
As jy beweeg en rooi is, is jy vanoggend in HTS Middelburg se optog.
Die skool het so pas vanaf sy sportterrein vertrek op pad na Laerskool Staatspresidnet C.R. Swart en daar was van trekkers, tot motorfietse en natuurlik vrolik wuifende leerlinge in die rooi optog.
Vanaf C.R. Swart vertrek die optog in Meyerstraat af na die kantore van die Middelburg Observer waar ’n geskenk aan die redakteur oorhandig sal word deur die hoof, mnr, Hoppie van Jaarsveld, wat die optog lei.
Die roete strek dan na Laerskool Kanonkop, Dennesig, Laerskool Middelburg, Middelburg Primary, Aerorand Primary en eindig weer by die skool, waar daar geesvang is vir die res van die dag.
More se rugby, netbal en meisies hokkie begin reeds vroegoggend by HTS Middelburg.
Intussen word die skiet en tennis vanmiddag afgehandel.
Die rugby wedstryde skop om 7:30 af met die o/14A spanne wat mekaar pak.
Intussen het honderde oudleerlinge op die dorp toegesak en daar heers ’n gees van afwagting vir more se groot derbydag.
@middelburgobserver Rooi optog begin!
@middelburgobserver Die Derby se geesvang kook met HTS Middelburg se Rooies wat hulle optog afskop
