Van die besighede vervaardig gepatenteerde goedere vir markte oorsee en sê naas beurtkrag, die volgehoue diefstal en vandalisme, sake erg knou.

Dit is die derde maal in ’n jaar dat die kabel gesteel is.

Nadat dit verlede jaar gesteel is, is die kabel relatief gou vervang, maar sowat 30 sentimeter diep gelê.
Daar sal nou gekyk word om die vervangingskabel dieper te begrawe.

’n Voertuig is gisteraand gebruik om die kabel uit die grond te trek.

Besighede sê dat die transformeerder in die straat ook gereeld deurloop.

Hulle het al aangebied om vir ’n staalstruktuur rondom die transformeerder te betaal, maar die munisipaliteit het dit afgeskiet.
Besighede het selfs hul eie sekuriteitsbeamptes opdrag gegee om die transformeerder dop te hou.

Volgens een van die klaers het daar Donderdag sowat ses ure se produksietyd verlore gegaan, buiten normale beurtkrag.
Verlede week het besighede meer as 15-uur se produksietyd verloor, buiten beurtkrag.

Die skade affekteer kragtoevoer na Eastdene en dele van die sentrale sakekern.

Die besighede sê dat hulle tans nog in die donker is en steeds wag vir die munisipaliteit om die kabel te vervang.

•Intussen is die vrese dat Middelburg nog erger beurtkrag gaan kry, ’n sterker moontlikheid, nadat Eskom die Steve Tshwete Munisipaliteit opdrag gegee het om skedules vir hoër vlakke op te stel.