News
Nel weer in hof vir beweerde moord
Dawie Nel, die oud Middelburger wat op ’n klag van moord in Pretoria teregstaan, het weer ’n vlugtige verskyning in die hooggeregshof gemaak, waar die saak uitgestel is tot ’n latere datum.
Nel is al bykans drie jaar in aanhouding nadat hy in Desember 2020 by sy Meyerspark huis deur die Silvertonse polisie gearresteer is. ’n Taiwanese vriendin is dood in sy bed gekry.
’n Huismaat het op die toneel afgekom.
Die Taiwanees was glo betrokke by die verspreiding van dwelms en het ook as gesellin gewerk.
Die staat beweer dat Nel die vriendin na ’n nag van metamfetamien misbruik, verwurg het.
Nel kan egter niks van die voorval onthou nie.
Hy is kort na sy inhegtenisname verwys vir psigiatriese waarneming.
At Caxton, every story is written by humans. We use AI only to perform quality checks - never to generate the news. Happy reading!
