“Die gat was groot genoeg vir ’n persoon om deur te klim nadat dit heeltemal gebreek het en ek was te bang om te gaan slaap. Ons weet mos nie wat hul intensie was nie!”

Me. De Beer sê dit was tydens beurtkrag, omstreeks 20:30 toe sy die venster hoor breek het.

“Iemand moes van baie naby af die venster stukkend gegooi of met iets geskiet het. Ons het nog niks gekry nie en weet nie wat dit was nie.”

Sy onthou dat haar man ingeloop het by hul badkamer regoor hul kamer, toe sy die glas agter haar hoor breek.

Van skrik het sy aanvanklik gedink dit is hy wat ’n grappie maak en iets laat klap, maar toe hy uit die badkamer hardloop en sê sy moet ’n flits bring, het hulle besef dit is iets anders.

• Hulle het klein stukkies glas in hul kamer gekry, soos iets wat dit getref het, waarna die res van die ruit na die buitekant toe gebreek het.