Misdaadvoos inwoners reageer al meer op hulle eie weens die gebrek aan polisiëring, terwyl lede van die Dagpatrollie groep, staat maak op hulle bystand.

’n Vermeende motorfietsdief is juis ’n paar jaar gelede by die Dennesig dammetjies dood gekry, nadat hy geskiet is. Hy het tot by die dammetjies gevlug, waar hy tussen riete gesterf het.

Gisteraand, tydens beurtkrag, is daar gepoog om by ’n huis in Steve Bikostraat in te breek, toe die huiseienaar sy magasyn “leeg gemaak” het.

Verskeie inwoners van noodgroepe het reageer op die skote en een bejaarde vrou het gesê sy het haar “melk” weggeskrik. Haar man het eers gedink daar word aan die deur geklop tot hulle agtergekom het daar is ’n klein oorloggie naby hulle aan die gang.

Mnr. Arthur Hill en ander lede van Dagpatrollie het die gebied gefynkam, maar die inbreker het in die donker nag verdwyn.

Daar word byna daagliks skote gehoor op die dorp.